Ministrja e Shëndetësisë dhe Mbrojtjes Sociale, Albana Koçiu priti sot në një takim ambasadorin e Bashkimit Europianë në Tiranë, Silvio Gonzato.

Gjatë takimit, njofton ministrja Koçiu në rrjetet sociale, u diskutua për forcimin e mëtejshëm të bashkëpunimit si dhe mbështetjen në kuadër të projekteve të vazhdueshme në forcimin e asistencës në fushën e shëndetësisë dhe mbrojtjes sociale.

Ministrja Koçiu shprehu vendosmërinë për të forcuar përpjekjet për të çuar përpara axhendën evropiane dhe për arritjen e rezultateve të mëtejshme për anëtarësimin e Shqipërisë në BE.

Ambasadori Gonzato theksoi rëndësinë e shëndetit, përfshirjes, barazisë gjinore dhe mbrojtjes sociale.
“Ne jemi të përkushtuar të vazhdojmë të mbështesim Shqipërinë në këto fusha kyçe për procesin e integrimit në Bashkimin Evropian”, tha Gonzato.

Gonzato u shpreh se “BE i qëndroi pranë Shqipërisë për të përballuar krizat shëndetësore si COVID-i dhe tërmeti”.