Ministri i Mbrojtjes, Niko Peleshi dënoi sot me forcë sulmin e paprecedentë të Iranit ndaj Izraelit.

Ai u shpreh se Shqipëria ndodhet në krah të aleatve dhe partnerëve kundër përshkallëzimit të situatës në Lindjen e Mesme.

“Mbështesim të gjitha përpjekjet për paqe, në rajonin tashmë të nxehtë që prej tetorit të vitit të kaluar”, tha Peleshi në një postim në rrjetet sociale.

Irani ka nisur një sulm me dronë nga brenda territorit të tij drejt Izraelit.