Presidenti i Ukrainës, Volodymyr Zelensky falënderoi sot Shqipërinë për mbështetjen ndaj Ukrainës.

Në konferencën e përbashkët për shtyp me Kryeministrin Edi Rama, pas samitit “Ukrainë – Europa Juglindore që u zhvillua sot në Tiranë, Zelensky tha se “së pari e mbi të gjitha ju falënderoj juve kryeministër Edi, popullin tuaj, të gjithë qytetarët e Shqipërisë për mbështetjen e sinqertë e të plotë që ka keni dhënë ne, vendit tonë Ukrainës, popullit tonë. Mbështetje që ne e kemi marrë në këtë kohë të trazuar me luftë të skajshme”.

“Ju falënderojmë për të gjitha paketat që ju keni mbështetur dhe madje edhe sot ne kemi parë mbështetjen e Shqipërisë dhe partnerët e tjerë dhe dëshiroj t’ju falënderoj për bashkëpunimin politik”, tha Zelensky.

Presidenti ukrainas Zelensky u shpreh se “çdo komb ka nevojë të respektohet, ka nevojë për sigurinë. Gjithashtu këto janë elementë, parime që përkufizon çdo gjë të mirë që mund të ofrojë një komb, rendi botëror dhe kombëtar”.