EU4Culture bën thirrje që në Javën Globale të Turizmit të Qëndrueshëm, të përqafohet bukuria e trashëgimisë kulturore, e traditës dhe e mjeshtërisë.

Falë platformës digjitale “Artizanët mes të shkuarës dhe së ardhmes”, të zhvilluar nga OJQ-ja e Fondacionit Progress në kuadër të programit të granteve EU4Culture, mund të eksplorohet bota e artizanëve të Krujës, nga kudo në botë.

Punimet tradicionale të dorës janë pjesë të gjalla të historisë, kulturës, krijimtarisë dhe trashëgimisë. Në Krujë, një qytet i njohur për pazarin e tij plot zhurmë dhe komunitetin e gjallë të artizanëve, këto vepra artizanale nuk janë vetëm pjesë e jetës së përditshme, por një dëshmi e sixhadesë së pasur të trashëgimisë sonë kulturore.

Nga tekstilet e endura të ndërlikuara deri te qeramika e punuar me përpikëri, çdo pjesë tregon një histori të traditës, mjeshtërisë dhe krenarisë lokale.

EU4Culture fton të njihet zemra e komunitetit të artizanëve të Krujës, të zbulohen historitë e tyre si dhe të eksplorohen mjeshtëritë e shkëlqyera.

(Marrë nga ATSH)