Kryeministri Edi Rama ndodhet në një vizitë zyrtare dyditore në Bruksel ku do të marrë pjesë në mbledhjen e Komitetit Ekonomik dhe Social Europian.

Kryeministri Rama u takua sot me Presidentin e Këshillit Europian Charles Michel.

Fokus i diskutimeve të takimit të Kryeministrit Rama me zyrtarët e lartë të BE-së do të jetë integrimi i rajonit të Ballkanit Perëndimor si dhe plani i rritjes ekonomike.

Takimi vjen disa ditë para mbajtjes së samitit për Ukrainën në Tiranë që do të mbahet më datë 28 shkurt, ku për herë të parë vendin tonë do ta vizitojë presidenti ukrainas Volodymyr Zelensky.

Gjithashtu nesër vendin tonë do ta vizitojë edhe Sekretari amerikan i Shtetit, Anthony Blinken.