Kryetari i bashkisë Shkodër Benet Beci, ka pritur në një takim krerët e komuniteteve fetare, në një moment të rëndësishëm siç u shpreh ai, në mbyllje të një viti dhe në prag të vitit të ri 2024.

Zyra e shtypit e Bashkisë Shkodër bën me dije se “bukë, kripë e zemër, siç janë traditat shqiptare ishin motivet që shoqëruan këtë takim që vjen në frymën e harmonisë dhe bashkëpunimit mes institucioneve”.

Për komunitetet fetare ky është një takim i rëndësishëm dhe i frytshëm për t’iu drejtuar të gjithë banorëve të Shkodër për bashkëpunim të ndërsjelltë dhe solidaritet që Shkodra e ka në traditën e saj.

Të pranishëm në këtë takim ishin edhe Kryetari i Këshillit Bashkiak të Shkodrës Oltion Luli, N/Kryetaret e Këshillit si dhe kryetarët e grupeve të këshilltarëve të të gjitha forcave politike, duke dhënë mesazhin e bashkëpunimit të ndërsjelltë në të mirë dhe në zhvillim të Shkodrës.