Presidenti i Republikës së Francës, Emmanuel Macron u prit me nderime shtetërore në Presidencë ku mbërriti mëngjesin e sotëm për takim me homologun shqiptar, Bajram Begaj në kuadër të vizitës zyrtare dyditore që po zhvillon në Tiranë.

Pas himneve përkatëse, dy presidentët kaluan para truprojës së nderit dhe prezantuan ekipet e tyre respektive.

Presidenti i Republikës së Francës nënshkroi në librin e të ftuarve si dhe u realizuan foto zyrtare. Më pas dy presidentët patën takim kokë më kokë.