Ambasada e Britanisë së Madhe reagoi lidhur me kërcënimet kundër hetuesve, prokurorëve dhe gjyqtarëve në Shqipëri.

“Mbretëria e Bashkuar shpreh shqetësimin lidhur me kërcënimet kundër hetuesve, prokurorëve dhe gjyqtarëve në Shqipëri”, theksoi Ambasada britanike në një postim në rrjetet sociale.

Ambasada britanike u shpreh se “të gjithë ata që punojnë në sistemin e drejtësisë duhet të jenë të lirë të kryejnë punën e tyre, pa frikë apo favore”.

“Mbretëria e Bashkuar do të vazhdojë t’i mbështesë ata në misionin e tyre jetik për të garantuar sigurinë e qytetarëve shqiptarë”, tha Ambasada britanike. /ATSH