“Shkodra Jazz”, tinguj melodioz dhe modern nga artistët austriakë
Në datën 24 gusht 2023, ora 20:30 performojnë “Znap” dhe këngëtarja Patricia Moreno
Në datën 24 gusht 2023, ora 20:30 në sheshin përpara Bashkisë së Shkodrës performon në kuadër të edicionit të XIV të festivalit Shkodra Jazz trio-ja „Znap“ dhe këngëtarja Patricia Moreno.
Lajmin e jep Ambasada e Austrisë në Shqipëri.
“Muzika e Znap, duket se lind nga ritmi: efekte të ndërlikuara, plot surpriza dhe të ndryshueshme që i japin temave të melodive kthesa të papritura, jokonvencionale dhe megjithatë gjithmonë lënë hapësirë për sensualitet melodioz dhe modern.
Pavarësisht gjithë sofistikimit teknik dhe dramaturgjisë me kontrast të lartë që përshkon pjesët e veçanta, muzika duket kompakte dhe koherente – Leonhard Skorupa, Gregor Aufmesser dhe Lukas Aichinger nuk u bashkuan vetëm për të formuar Znap në Vjenë në 2017, por njihen që në kopësht.
Për këtë koncert, treshja bashkëpunon me këngëtaren me famë ndërkombëtare Patricia Moreno, e cila ndër të tjera ka kënduar edhe me Bobby McFerrin, Joey Blake dhe Hal Crook.
Një koncert për të mos u humbur”, shkruan ambasada austriake në rrejet sociale.
Në datën 24 gusht 2023, ora 20:30 në sheshin përpara Bashkisë së Shkodrës performon në kuadër të edicionit të XIV të…
Posted by Österreichische Botschaft Tirana/Ambasada Austriake Tiranë on Monday, August 21, 2023
Më shumë lajme
