Kryeministrja Italiane Giorgia Meloni, është larguar nga vendi ynë, duke mbyllur pushimet në rivierën shqiptare.
Meloni u kthye në Itali me traget nga porti i Vlorës. Ajo në traget u shoqërua nga kryebashkiaku i Vlorës, Ermal Derdha, i cili publikoi dhe një foto me kreun e qeverisë së Italisë, ndërsa e cilësoi “turistja e nderit”
“Turistja e nderit” e la Vlorën me përshtypje fantastike! Faleminderit Kryeministre Meloni dhe je gjithmonë shumë e mirëpritur në Vlorë”, shkruan kryebashkiaku Dredha, teksa ka falenderuar Melonin që ka zgjedhur Vlorën dhe jugun e Shqipërisë për të kaluar pushimet e saj.
“Turistja e nderit” e la Vlorën me përshtypje fantastike! Grazie Presidente Meloni ed e sempre benvenutissima a Valona ??❤️??
Posted by Ermal Dredha on Thursday, August 17, 2023
Kryeministrja e Italisë Gjorgia Meloni erdhi në Shqipëri të hënën për të kaluar disa ditë pushime me familjen e saj në vendin tonë, pas një ftese të bërë nga Kryeministri Edi Rama. Vizita e saj në Shqipëri tërhoqi vëmendjen e mediave të gadishullit apenin që komentuan se si Shqipëria është kthyer në një destiancion tursitik për Italianët.
