Fatbardh Marku, “Kavalieri” i Artit!

Skenograf, piktor, grafist, vitrazh artistik. Ky është Fatbardh Marku, “Djaloshi” elbasanlli 71-vjeçar.

Nga Dash Frashëri

Skenograf, piktor, grafist, vitrazh artistik.

Ky është Fatbardh Marku! “Djaloshi” elbasanlli 71-vjeçar.

Me një karrierë 50-vjeçare në art, edhe para se të diplomohej për skenograf në vitin 1973 në Institutin e Lartë të Arteve, në vitin 1973, Marku u dallua për prirjen e tij natyrale larg klisheve të kohës, duke sjellë kode të reja artistike, që u pasqurua në skenografinë e dramës “Familja e peshkatarit”.

Për gati tetë vjet, ai ishte skenografi i Televizionit Shqiptar, të sapo formuar në vitin 1972, ku dha kontributin e tij deri në vitin 1980.

Vepra të kësaj periudhe jane skenografitë & kostumografitë e filmave artistikë “Plumba Perandorit”,”Udha e Shkronjave”, “Gjyshi partizan”,”Një natë nentori” dhe “Portreti i pa mbaruar i Klara Belini”.

Si skenograf teatri eshte angazhuar gjërësisht në shumë projekte teatrale në disa trupa të vendit si Teatrin Popullor, Teatrin “Bylis”, ”Skampa”, ”Aleksandër Mosiu”, etj., duke sjellë një gjuhë interesante në skenografi, zgjidhje funksionale dhe asociative të hapësirës skenike, kontraste ngjyrore dhe zgjidhje të thella grafike, duke dhënë mundësi për kompozime përplotësuese të vendosjes dhe lëvizjes se aktorëve në gjerësi, lartësi dhe thellësi.

Shumë nga veprat e tij kanë vendin e tyre në fondin e Galerisë Kombëtare të arteve. Në vitin 1986 zgjidhet si një nga përfaqësuesit e brezit të ri në ekspozitën e UNESCO-s, në Paris, me grafikat kushtuar lirikës se jetës ne fshat.