Ministria e Punëve të Jashtme dhe Diasporës nuk e ka aprovuar kërkesën e Petar Petkoviçit për të hyrë në Republikën e Kosovës.
Kjo bëhet e ditur në përgjigjen e MPJD-së për KosovaPress.
“Ju konfirmojmë se Ministria e Punëve të Jashtme dhe Diasporës nuk e ka aprovuar këtë herë kërkesën e zyrtarit serb Petar Petkoviç për hyrje në Republikën e Kosovës”, thuhet në përgjigje.
Kujtojmë se kjo nuk është hera e parë që Petkoviçit i ndalohet hyrja në Kosovë.
Petkoviç, i cili është drejtor i të ashtuquajturës Zyrë për Kosovën në qeverinë e Serbisë, i ishte refuzuar hyrja në vend para disa muajve. /KosovaPress/
