Ditën Ndërkombëtare të Grave në Diplomaci, Xhaçka: Gratë e vajzat përbëjnë sot 57% të shërbimit të jashtëm shqiptar

Ministrja për Evropën dhe Punët e jashtme, Olta Xhaçka përkujtoi sot Ditën Ndërkombëtare të Grave në Diplomaci.


Ministrja për Evropën dhe Punët e jashtme, Olta Xhaçka përkujtoi sot Ditën Ndërkombëtare të Grave në Diplomaci.

Xhaçka u shpreh nëpërmjet një videomesazhi krenare që sot gratë e vajzat përbëjnë 57% të shërbimit të jashtëm shqiptar dhe shumica e misioneve tona më të rëndësishme përfaqësohen nga ambasadore gra”.

Duke e bërë më të hapur Shërbimin e Jashtëm, Shqipëria e ka riaktivizuar dhe rigjallëruar atë, theksoi ministrja Xhaçka.

Kështu, theksoi ajo, janë dyfishuar talentet në dispozicion të diplomacisë shqiptare dhe është pasuruar Shërbimi me ide të reja.

“Tradicionalisht shërbimi i jashtëm është parë si fushë për burrat, ashtu si ushtria apo policia. Jam suprizuar kur mësova nga diplomatë më të vjetër se në të kaluarën, pranimi në Shërbimin e Jashtëm Shqiptar, ishte në një farë kuptimi edhe më i vështirë për një grua sesa të pranohej në ushtri apo polici. Nuk kishte asnjë ligj, asnjë rregullore që ndalonte gratë të kishin një karrierë në diplomaci. Por kishte paragjykime dhe kishte diskriminim. Gratë konsideroheshin të dobëta, pa kredibilitet për t´ju besuar sekretet e shtetit”, tha Xhaçka.

“Vetëm pas rënies së komunizmit, Shërbimi i Jashtëm Shqiptar më në fund filloi të ishte i aksesueshëm për gratë në çdo kuptim. Edhe atëherë, për një kohë të gjatë, pati shumë rezistencë dhe gratë përballeshin me një betejë të vështirë për t’u pranuar”, vijoi Xhaçka.

Por, u shpreh ministrja, “kur shikoj situatën sot dhe e krahasoj me këtë të kaluar të vështirë dhe sfiduese, kuptoj se ka shumë për të festuar. Diplomacia shqiptare po përjeton sot një moment shumë të suksesshëm. Asnjëherë më parë vendi nuk ka qenë kaq aktiv dhe kaq i pranishëm në çështjet botërore”.

“Nga roli i saj aktiv në Ballkanin Perëndimor, në marrëdhëniet me BE-në dhe NATO-n, në zgjerimin e shkëmbimeve të saj me Lindjen e Mesme dhe Azinë, te pjesëmarrja e saj proaktive dhe energjike në organizatat ndërkombëtare dhe mandati i suksesshëm në Këshillin e Sigurimit të Kombeve të Bashkuara. Shërbimi i Jashtëm i Shqipërisë, vitet e fundit, ka bërë shumë duke pasur parasyh peshën e tij, duke fituar respektin dhe vlerësimin e aleatëve dhe partnerëve”, tha Xhaçka.

“Gratë kanë luajtur një rol vendimtar në këto arritje. Sot, gratë dhe vajzat përbëjnë 57% të Shërbimit të Jashtëm të Shqipërisë. Shqipëria përfaqësohet nga gra ambasadore në disa prej misioneve të saj më të rëndësishme, nga Brukseli, në Uashington, në OSBE e shumë të tjera”, u shpreh Xhaçka.

“Duke e bërë më të hapur Shërbimin e Jashtëm, Shqipëria e ka riaktivizuar dhe rigjallëruar atë. Kështu janë dyfishuar talentet në dispozicion të diplomacisë shqiptare dhe është pasuruar Shërbimi me ide të reja”, nënvizoi Xhaçka.

“Rezultatet janë aty për t’i parë të gjithë. Jo vetëm në diplomaci, sepse ajo që ka ndodhur në diplomaci është vetëm një pjesë e një përpjekjeje shumë më të gjerë në Shqipëri për të fuqizuar gratë dhe për t’u dhënë atyre një rol të rëndësishëm në drejtimin e vendit. Nga ushtria te policia, te administrata dhe sigurisht parlamenti dhe qeveria, gratë shqiptare tashmë janë të përfaqësuara dhe po bëjnë ndryshime pozitive në të gjitha fushat e jetës”, theksoi Xhaçka.

“Kjo është arsyeja pse, gjatë Kryesimit të OSBE-së të Shqipërisë dhe aktualisht në Këshillin e Sigurimit të OKB-së, ne kemi përcaktuar tematikën:‘‘Gratë, Paqen dhe Siguria një nga prioritetet tona kryesore“. Ne besojmë se kemi detyrimin ta ndajmë këtë përvojë pozitive me botën, sepse ajo na ka mësuar se kur grave iu jepet fjala, përfiton shoqëria në tërësi”, përfundoi Xhaçka videomesazhin me rastin e Ditës Ndërkombëtare të Grave në Diplomaci.

Lexo më shumë nga

Rama: Do të gjykojmë me ashpërsi politike çdo drejtues që largon punonjësit në mënyrë arbitrare

Kryeministri Edi Rama, njëherësh kryetar i Partisë Socialiste, gjatë fjalës së tij në Asamblenë e Partisë Socialiste të Tiranës, reagoi…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama: Do të gjykojmë me ashpërsi politike çdo drejtues që largon punonjësit në mënyrë arbitrare

Kryeministri Edi Rama, njëherësh kryetar i Partisë Socialiste, gjatë fjalës së tij në Asamblenë e Partisë Socialiste të Tiranës, reagoi…