Kryetari i Partisë së Lirisë, Ilir Meta priti sot në një takim kryetarin e Bordit të Fondacionit Shqiptaro-Amerikan për Zhvillim, Michael Granoff.

Meta u shpreh se në takim vlerësoi angazhimin e AADF për programet zhvillimore të Shqipërisë.

Meta theksoi se, u diskutua veçanërisht edhe për shtimin e mundësive në edukimin e brezave të rinj dhe rritjen profesionale të tyre.

“Kënaqësi të takohesha sot me Kryetarin e Bordit të Fondacionit shqiptaro-amerikan për Zhvillim, z. Michael Granoff dhe të vlerësoja angazhimin e AADF për programet zhvillimore të Shqipërisë, dhe veçanërisht për shtimin e mundësive në edukimin e brezave të rinj dhe rritjen profesionale të tyre”, shkroi Meta në rrjetet sociale.