Kandidati i PS-së Blerim Shera ka fitur thellësisht në Vorë me 75% të votuesve.

Në një deklaratë për mediet, në krah të drejtuesit politik të Partisë Socialiste për qarkun e Tiranës, Blerim Shera falënderoi të gjithë qytetarët për besimin.

Shera u shpreh se do u shërbejë të gjithëve me përulësi pavarësisht bindjes politike.

“Falenderoj të gjithë bashkëqytetarët e mi të qytetit të Vorës, të Njësisë Admimistrative Bërxullë dhe të Njësisë Administrative Prezë. Zotohem që do t’ju shërbej të gjithëve, me punë, përulësi ashtu siç e kam bërë gjatë këtij rrugëtimi prej një viti në krye të bashkisë Vorë”, u shpreh Shera.

“Mezi pres ta nis punën që nesër që t’u shërbej të gjithëve pavarësisht bindjeve politike”, tha Shera.