Kandidati i PS-së për bashkinë e Shkodrës, Benet Beci votoi sot në Shkodër.

Beci pas votimit në një prononcim për medie tha se, sot flasin qytetarët.

“Kam folur shumë gjatë fushatës, sot radhën e kanë qytetarët. Është ditë e rëndësishme për Shkodrën, shpresoj të jetë e mbarë për të gjithë! Ftesa ime është për pjesëmarrje sa më të lartë dhe qytetari”, tha Beci.

Ai falenderoi dhe gazetarët për punën e bërë gjatë kësaj fushate zgjedhore, të cilët sipas tij kanë bërë një punë profesionale.