Kryetarja e Kuvendit të Shqipërisë, Nikolla priti në një takim pune, Sekretaren e Përgjithshme të OSBE,
Helga Maria Schmid.

POSTIMI I KRYEPARLAMENTARES NIKOLLA

Takim i dobishëm pune me Sekretaren e Përgjithshme të OSBE, znj. Helga Maria Schmid.

Diskutuam për vijimin e bashkëpunimit të sukessshëm, avancimin e reformave, rritjen e besimit publik të institucioneve, dialogun partiak dhe lirinë e medias si thelbësore për demokracinë, përgatitjen e zgjedhjeve lokale të 14 majit dhe zbatimin e rekomandimeve të OSBE/ODIHR, fuqizimin e grave, mbështetjen e luftës së drejtë të Ukrainës, rritjen e kontributit për mbrojtjen e paqes e të sigurisë etj.

OSBE është një partner i besueshëm dhe i rëndësishëm për Shqipërinë, për institucionet dhe qytetarët. Përvoja e fituar gjatë Presidencës shqiptare të OSBE-së 2020, shërben si një aset i rëndësishëm i këtij partneriteti.

Kuvendi do të vijojë bashkëpunimin me OSBE-në, Sekretaren e Përgjithshme dhe Asamblenë Parlamentare, për thellimin e reformave, rritjen e transparencës, përgjegjësisë e llogaridhënies së veprimtarive parlamentare, modernizimin dhe zbatimin e praktikave inovative në shërbimet parlamentare, monitorimin efektiv të Qeverisë e institucioneve.