Në kuadër të 555-vjetorin e vdekjes së Skënderbeut, Muzeu Historik Kombëtar më datë 7 shkurt 2023, ora 11:00 organizon hapjen e ekspozitës me titull “Gjergj Kastrioti-Skënderbeu – kalorësi i lirisë së shqiptarëve”.

Me anë të faksimileve, gravurave të autorëve të ndryshëm dhe portreteve, vizitorët do të njihen me fragmente të jetës dhe betejave të Heroit Kombëtar të shqiptarëve, Gjergj Kastriotit-Skënderbeut, i cili ishte përfaqësuesi më konsekuent dhe më i shquar i elitës drejtuese arbërore, i cili udhëhoqi me vendosmëri frontin e luftës së shqiptarëve kundër Perandorisë Osmane.