Një inxhinier ka zhvilluar një skelet robotik për ta ndihmuar të birin me aftësi të kufizuara që të ecë. Jean-Louis Constanza filloi punën për ndërtimin e skeletit në vitin 2012 pasi i biri Oscar, ka përdorur një karrige me rrota që në moshën 5-vjeçare.

“Një ditë Oscar më tha: ‘Babi, ti je një inxhinier robotik, pse nuk bën një robot që do të më lejojë të ec.”, tha ai. I lidhur me shpatullat, gjoksin, belin, gjunjët dhe këmbët, ekzoskeleti e lejon 16 vjeçarin të ecë nëpër dhomë.

Jean-Louis Constanza, Kryeshefi i Biznesit dhe Klinikës në kompaninë franceze Wandercraft ndihmon djalin e tij 16-vjeçar Oscar duke përdorur një ekzoskelet robot në selinë e kompanisë në Paris, Francë 9 korrik 2021. Fotografia e marrë më 9 korrik 2021. REUTERS/Christian Hartmann

Constanza thotë se ka bashkëpunuar me Wandercraft për krijimin e kësaj pajisjeje. “Më parë, kisha nevojë për dikë që të më ndihmonte të ecja…kjo më bën të ndihem i pavarur.”, tha 16-vjeçari. /ABC News/