MIE: Rrugët nacionale të qarkullueshme, probleme me furnizimin me ujë në tre qarqe

Reshjet e shiut kanë vijuar gjatë natës në të gjithë vendin, ndërsa dëbora ka përfshirë zonat veriore dhe juglindore, duke sjellë vështirësi në qarkullimin rrugor.


Reshjet e shiut kanë vijuar gjatë natës në të gjithë vendin, ndërsa dëbora ka përfshirë zonat veriore dhe juglindore, duke sjellë vështirësi në qarkullimin rrugor.

Ministria e Infrastrukturës dhe Energjetikës bën të ditur se, grupet e punës së ARRSH, OSHEE dhe ekipet e tjera nën varësinë e MIE vijojnë të jenë në terren, pavarësisht situatës së rënduara të motit dhe temperaturave të ulëta, duke ndërhyrë kudo ku janë raportuar problematika.

Sipas njoftimit zyrtar, reshje dëbore janë regjistruar në rajonin verior, Bajram Curri-Valbonë; Ura Bujan-Qafë Morinë; Bujan-Qafe Morinë (doganë); Sopot-Kerrnaj; Qafe Mejdan – Tropojë-Buçaj; Bulqizë; Qafë Bualli-Peshkopi; Peshkopi-Maqellarë; Hani i Hotit-Dogana Vermosh; Kukës-Shishtavec; Kukës-Bushtricë; Bajram Curri-Valbonë; Pukë-Fushë Arrëz; Bogë-Theth; Qafë Mali-Fushë Dukagjin. Në rajonin qendror, Surrel Qafë Priskë-Qafë Mollë; Elbasan-Gjinar; Ibë-Kërrabë-Elbasan. Në rajonin jugor, Llogara; Qafë Thanë; Korçë-Voskopojë; Boboshticë-Dardhë; Korçë-Ersekë; Ersekë-Leskovik

Sipas MIE-s, të gjitha akset janë të hapura dhe qarkullimi vijon normalisht, por drejtuesve të mjeteve u rekomandohet përdorimi i gomave dimërore dhe zinxhirëve në zonat malore.

Lidhur me furnizimin me energji elektrike, MIE njofton se, aktualisht jashtë pune janë 27 fidera, kryesisht në rajonin Durrës, ndikuar edhe nga prezenca e ujit në kabina. Rrjeti 6kV që furnizon me energji elektrike Hidrovorin e Synej (Kavajë) është me defekt dhe po punohet për riparimin e linjës. Ndërsa të gjitha linjat 35kV, nënstacionet, si dhe fiderat që furnizojnë me energji elektrike Hidrovoret ndodhen në funksion të plotë.

Sa i takon rrjetit të trasmetimit, të gjitha linjat 400kV, 220kV dhe 110kV janë në operim normal dhe të gjitha brigadat e linjave dhe nënstacioneve janë në gatishmëri.

Ndërkohë prurjet natyrore në kaskadën e Drinit janë: HEC Fierzë 2100 m3/s; HEC Koman 700 m3/s; HEC Vau i Dejës 200 m3/s.

Furnizimi me ujë:
MIE bën të ditur se, rajoni i Beratit paraqitet në vështirësi për shkak të reshjeve të vazhdueshme dhe të ndjeshme. Në zonën e Dimalit është përmbytur stacioni përkatës. Pompat janë mbajtur të sigurta dhe nën ruajtje gjatë gjithë natës. Ndërkohë furnizimi me ujë aktualisht paraqitet normal dhe sistemi i kanalizimeve është funksional.
Në rajonin e Fierit, aktualisht, nga katër puset e rinj që kanë qenë në funksion vetëm një pus vijon të operojë. Po punohet për forcimin e argjinaturës në stacionin qendror të pompimit Kafaraj. Ndërsa situata po monitorohet në mënyrë të vazhdueshme dhe grupet përgjegjëse janë në gatishmëri të plotë.
Në Vlorë aktualisht janë përmbytur dy nënstacione, përkatësisht në Novoselë dhe Trevllazër. Situata në rajonet e tjera paraqitet normale dhe nën kontroll, pa problematika në furnizimin me ujë të pijshëm dhe në sistemin e kanalizimeve.
MIE njofton se, në Portin e Durrësit, vijon aktiviteti normalisht dhe pa problematika, me operacione të planifikuara në të gjitha zonat kryesore portuale.
Lëvizja e trageteve po realizohet normalisht, në përputhje me oraret e parashikuara.

Në portin e Vlorës lëvizja e pasagjerëve dhe mjeteve vazhdon normalisht. Por nuk lejohet dalja e mjeteve të vogla në det. Në portin e Sarandës, për shkak të detit të trazuar linja me Korfuzin është pezulluar.
Në Aeroportin “Nënë Tereza” operimet kanë vijuar normalisht.

Burimi ATSH

Salla: Bujqësia 10% më shumë financim në 2027-ën, prioritet fermerët dhe prodhimi vendas

Buxheti i vitit 2027 parashikon 18 miliardë lekë për bujqësinë dhe zhvillimin rural, 10% më shumë krahasuar me vitin 2026.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Salla: Bujqësia 10% më shumë financim në 2027-ën, prioritet fermerët dhe prodhimi vendas

Buxheti i vitit 2027 parashikon 18 miliardë lekë për bujqësinë dhe zhvillimin rural, 10% më shumë krahasuar me vitin 2026.