Për katër ditë me radhë, Tirana do të shndërrohet në një ekspozitë të hapur arti, ku qyteti merr frymë në ritmin e krijimtarisë.

Kjo fundjavë, prej 27-30 nëntor, sjell Tirana Art Weekend, me edicionin e dytë, duke bashkuar artistë dhe hapësira që vazhdojnë të formësojnë ritmin e artit bashkëkohor shqiptar.

Në pika të ndryshme të kryeqytetit do të krijohen mbi 17 hapësira me platforma të reja artistike, premiera, performanca live dhe ekspozita. Tirana Art Weekend sjell një program të gjerë dhe fton publikun të zbulojë, të eksplorojë dhe të përjetojë artin në forma të ndryshme.

Ky udhëtim përmes hapësirave artistike, organizatave kulturore dhe bashkësive lokale synon të reflektojë energjinë e skenës së artit bashkëkohor në Shqipëri. Tirana Art Weekend bashkon zërat e shumtë të ekosistemit të pavarur të artit në një frymë të përbashkët bashkëpunimi.

Burimi ATSH