Ministrja e Arsimit, Mirela Kumbaro vizitoi sot shkollën 9-vjeçare “Liri Gero” në Fier, e cila është transformuar në një institucion model sipas standardeve më të mira bashkëkohore.

Gjatë takimit me nxënës dhe mësues, ministrja theksoi se investimet në infrastrukturën arsimore kanë ndikuar ndjeshëm në rritjen e cilësisë së mësimdhënies, duke e kthyer shkollën jo vetëm në një mjedis edukativ, por edhe në një hapësirë gjithëpërfshirëse komunitare.

“Shkollat moderne duhet të jenë vende ku fëmijët mësojnë, krijojnë, zhvillojnë talentin dhe ndihen mirë. Kjo shkollë është shembull i një transformimi të tillë”, u shpreh Kumbaro.

Shkolla ofron tashmë mundësi të zgjeruara për zhvillimin e talenteve në zeje, art, sport, shkencë dhe inovacion, falë ambienteve të reja, pajisjeve moderne dhe hapësirave funksionale që i shërbejnë të nxënit dhe mirëqenies së nxënësve.

Transformimi i shkollës “Liri Gero” është pjesë e një programi më të gjerë kombëtar për modernizimin e arsimit parauniversitar, që synon të krijojë kushte të denja për të gjithë nxënësit në Shqipëri.

Burimi ATSH