Kryetarja e Kuvendit, Elisa Spiropali priti sot në një takim pune Të Ngarkuarën me Punë të Shteteve të Bashkuara, Nancy VanHorn.

Kryetarja e Kuvendit informoi se në takim u diskutua mbi marrëdhëniet e shkëlqyera dhe artneritetin strategjik mes dy vendeve.

Po ashtu, Spiropali u shpreh se temë e diskutimit ishte edhe zgjerimi i bashkëpunimit mes Kuvendit dhe Dhomës së Përfaqësuesve e Senatit amerikan.

“Takim miqësor pune me të Ngarkuarën me Punë të Shteteve të Bashkuara, Nancy VanHorn mbi marrëdhëniet e shkëlqyera, Partneritetin Strategjik mes vendeve tona, zgjerimin e bashkëpunimit mes Kuvendit, Dhomës së Përfaqësuesve e Senatit Amerikan, si edhe aleancën e kontributin për përballimin e sfidave globale dhe garantimin e paqes”, u shpreh Spiropali.

Burimi ATSH