Ministri i Ekonomisë, Kulturës dhe Inovacionit, Blendi Gonxhja, shprehu dhimbjen për largimin nga jeta të regjistorit Dhimitër Anagnosti.

“I trishtë lajmi për ndarjen nga jeta të mjeshtrit të kinematografisë shqiptare, “Nderi i Kombit” Dhimitër Anagnosti”, shkroi ministri Gonxhja, në rrjetet sociale dhe më pas renditi një sërë veprash artistike të realizuara nga regjisori ndër vite.

“Një jetë e tërë e përkushtuar artit, ku në karrierën e tij mbi 40-vjeçare ai realizoi 14 filma artistikë dhe 10 dokumentarë, duke lënë pas një trashëgimi të vyer për kulturën kombëtare. Mes tyre spikasin filma që kanë hyrë në kujtesën kolektive si “Lulëkuqet mbi mure”, “Komisari i dritës”, “Plagë të vjetra”, “Në pyjet me dëborë ka jetë”, “Nëntori i dytë”, “Përrallë nga e kaluara”, “Duel i Heshtur”, “Në shtëpinë tonë” e të tjera vepra që i dhanë kinemasë shqiptare identitet dhe madhështi.

Lamtumirë Mjeshtër!”, shkroi kreu i MEKI-t.

Dhimitër Anagnosti u nda nga jeta sot, në moshën 89-vjeçare, pas një sëmundjeje të gjatë.

Burimi ATSH