Në prag të vizitës së Presidentit të Kinës Xi Jinping në Kazakistan, për të marrë pjesë në Samitin e 2-të Kinë-Azi Qendrore, ditët e fundit nisi në Astana aktiviteti i transmetimit të 12 programeve cilësore televizive të Grupit Mediatik të Kinës (CMG), përfshirë “Ndjenjat kulturore të Xi Jinpingut” dhe “Rruga e Modernizimit Kinez”, të cilat do të transmetohen përkatësisht në televizionet kombëtare të Kazakistanit, Kirgizistanit, Taxhikistanit, Turkmenistanit dhe Uzbekistanit.

Në video-fjalimin e tij në ceremoninë e nisjes së transmetimit, Kryetari i CMG-së Shen Haixiong u shpreh se Presidenti Xi Jinping ka thënë që“Kina ka qenë fqinj, partner, mik dhe vëlla i mirë, që vlen të besohet dhe mund të shërbejë si mbështetje për vendet e Azisë Qendrore” dhe se “Duhet të shtohen forcat e reja nxitëse për formimin e një bashkësie më të ngushtë me fatet e përbashkëta Kinë-Azi Qendrore”.

Foto nga CMG

Transmetimi i programeve televizive si një bashkëpunim mes CMG-së dhe mediave të Azisë Qendrore, është një masë aktive për konkretizimin e rezultateve të Samitit Kinë-Azi Qendrore 2023 si edhe për thellimin e shkëmbimeve njerëzore dhe të miqësisë midis popujve, nën drejtimin e strategjisë së Presidentit Xi Jinping, tha Shen-i.

Ai shprehu bindjen se ndërmjet këtyre programeve, shikuesit e Azisë Qendrore do të njohin më tej forcën tërheqëse të Presidentit Xi Jinping, mikpritjen e popullit kinez dhe gjallërinë e Kinës në epokën e re, duke zbuluar më shumë mundësi bashkëpunimi me përfitime të përbashkëta dhe për modernizimin e përbashkët.

Në ceremoninë e nisjes së transmetimeve dërgoi një video-fjalim edhe ambasadori i Kinës në Kazakistan Han Chunlin, përgjegjës të mediave si edhe përfaqësues të qarqeve kulturore të vendeve të Azisë Qendrore.

Burimi CGTN