Përfaqësues të notariatit francez vizituan sot Ministrinë e Drejtësisë, ku u pritën në takim nga zv/ministri Tedi Dobi, ku biseduan për digjitalizimin e noterisë shqiptare.

Në një postim në rrjetet sociale, ministri i Drejtësisë Manja tha se “Shqipëria është drejt noterisë digjitale. Një hap tjetër përpara në reformën tonë për një drejtësi moderne dhe efikase”.

“Sot mikpritëm në Ministrinë e Drejtësisë përfaqësuesit e notariatit francez për të çuar përpara një nga prioritetet tona digjitalizimin e noterisë shqiptare. Me mbështetjen e partnerëve francezë, po ndërtojmë një sistem noterial më transparent, më të sigurt dhe të ndërlidhur në kohë reale me kadastrën digjitale”, tha Manja.

Manja tha se “ky sistem noterial do të sjellë shërbime më të shpejta, procedura më të thjeshta dhe më shumë siguri për qytetarët”.

“Ky është vizioni ynë: një drejtësi që funksionon dhe që u shërben njerëzve”, tha Manja.

Burimi ATSH