Kur në ndajnë 10 ditë nga zgjedhjet parlamentare të 11 majit, numri i zarfeve me fletët e votimit që kanë mbërritur në Komisionin Qendror të Zgjedhjeve është 117 079.

Sipas të dhënave të publikuara nga KQZ sot ora (13:15) janë 218 638 zarfe të marra nga zgjedhësit, ndërsa në total janë 245 935 zarfe të dërguara.

Numrin me të lartë të kthimeve e mban Italia me 53 416, ndjekur më pas nga Gjermania, Greqia. Sipas qarqeve, kryeson Tirana me 28 180 zarfe, Durrësi 15 206, Elbasani 13 953.

Votuesit në diasporë kanë kohë ta plotësojnë dhe ta dërgojnë fletën e votimit me postë deri në javën e parë të muajit maj. Çdo votë që mbërrin në Shqipëri në datën 11 maj, pas orës 19:00, do të konsiderohet e pavlefshme.

Vendi i caktuar për administrimin e këtij procesi është Pallati i Sportit “Feti Borova”, pranë Parkut Olimpik Tiranë. Aty po përgatiten dhe dërgohen fletët e votimit dhe po aty do të kryhet numërimi i votave të diasporës.

Burimi ATSH