“Paketa e Maleve”, Gonxhja: Investitorët lehtësi fiskale për dhjetë vite

Prioriteti kryesor është krijimi i kushteve të favorshme për investitorët, bizneset dhe fermerët.

Ministri i Ekonomisë, Kulturës dhe Inovacionit, Blendi Gonxhja, tha se, “Paketa e Maleve”, adreson për sipërmarrjet lehtësi fiskale për dhjetë vite dhe synon të krijojë një mjedis më të favorshëm për biznesin, rritjen e aktiviteteve ekonomike dhe hapjen e vendeve të reja të punës.

Gonxhja shkroi në rrjete sociale se, “zv.ministri i Ekonomisë, Kulturës dhe Inovacionit, Sokol Duma, në takimin e Komisionit për Veprimtaritë Prodhuese, Tregtinë dhe Mjedisin, prezantoi projektligjin e “Paketës së Maleve”, një nismë strategjike për nxitjen e investimeve, fuqizimin e sipërmarrjes dhe zhvillimin e ekonomisë malore”.

Sipas tij, prioriteti kryesor i kësaj pakete është krijimi i kushteve të favorshme për investitorët, bizneset dhe fermerët, duke ofruar lehtësira fiskale, infrastrukturë të përmirësuar dhe mbështetje konkrete për zhvillimin ekonomik të zonave malore.

“Paketa krijon incentiva për zhvillimin e turizmit malor, bujqësisë dhe industrive të qëndrueshme, duke përfituar nga burimet natyrore dhe potenciali i jashtëzakonshëm i këtyre zonave”, u shpreh Gonxhja.

Ministri vuri në dukje se, “Paketa e Maleve” është një mundësi e re për shqiptarët jashtë vendit për të investuar në tokën e tyre, duke krijuar një urë të fortë ekonomike midis Shqipërisë dhe komuniteteve të saj jashtë kufijve.

“Projektligji parashikon gjithashtu kalimin e pronësisë me tarifën simbolike prej 1 euro për poseduesit faktikë, duke krijuar siguri ligjore për investitorët dhe hapësirë të qartë për zhvillimin ekonomik të qëndrueshëm.

Kjo paketë nuk është thjesht një reformë, por një vizion për një ekonomi malore konkurruese, ku investimi dhe sipërmarrja gjejnë mbështetje reale dhe afatgjatë”, u shpreh Gonxhja.

Burimi ATSH

Lexo më shumë nga

AdvanceGov 2026 në SHBA, AKSHI paraqet përvojën në transformimin digjital dhe përdorimin e IA-së

Zëvendësdrejtoresha e Përgjithshme e Agjencisë Kombëtare të Shoqërisë së Informacionit, Romina Kostani mori pjesë si folëse në AdvanceGov 2026, organizuar…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Kinë-Shqipëri, forum për bashkëpunim mediatik

Forumi u organizua nga Ambasada e Republikës Popullore të Kinës në Shqipëri dhe Agjencia e Lajmeve Xinhua, me Argumentum.al si…