Ministri i Financave, Petrit Malaj, tha se qeveria është e angazhuar për skema në mbështetje të fermerëve që i japin hov një zhvillimi të qëndrueshëm të sektorit bujqësor në vendin tonë.

Malaj ndau në rrjetet sociale, momente nga takimi me fermerë në zonën Kutalli të Fierit, ku vuri në dukje se, “kjo zonë ka shumë me çfarë të krenohet sai takon prodhimit në sektorin rural”.

Malaj tha se, këtë e vë re edhe kur takon djem të tillë punëtorë si Armelindo, që njëkohësisht është edhe kryetar i sindikatës së fermerëve.

“Teksa vizitova një nga serrat e mbjella me domate biseduam për planet e tij për serra diellore apo kultivimin e ullirit”, u shpreh ministri.

Malaj shprehu mbështetjen për vijimin e skema që financojnë drejtëpërdrejtë fermerët.

“Jemi duke u angazhuar për skema në mbështetje të fermerëve për një zhvillim të qëndrueshëm dhe produkte cilësore që konkurrojnë denjësisht në tregje”, tha ai.

Burimi ATSH