Poeti dhe shkrimtari i mirënjohur, Visar Zhiti, u nderua me një tjetër çmim ndërkombëtar të rëndësishëm.

Poeti shqiptar fitoi Çmimin Ndërkombëtar të Poezisë “CAMAIORE” 2024, në Itali me librin “Strade che scorrono dalle mie mani” (“Rrugë që rrjedhin nga duart e mia”).

Presidenti i jurisë, poeti Michele Brancale, ftoi në skenë autorin të marrë çmimin.

Aktivitetin e përshëndetën dhe Kryetari i Komunës, etj, dhe vajza e themeluesit të këtij çmimi, poetit Francesco Belluomini.

Poetja dhe anëtarja e jurisë Cinzia Demi lexoi motivacionin e dhënies së këtij çmimi Visar Zhiti, duke e cilësuar autorin “Cirenè”- si atë që ndihmoi Krishtin për të mbajtur kryqin…

Juria italiane, e kryesuar nga Michele Brancale, e përbërë nga poetë, studiues dhe kritikë letrarë, Cinzia Demi, Simone Gambacorta, Federico Migliorati, Renato Minore, Ottavio Rossani e Luigia Sorrentino si dhe juria popullore shqyrtuan botimet nga prilli 2022 deri në mars 2023. Mes përzgjedhjes së 150 librave me poezi, sekeksionoi 25 prej tyre, pastaj nxori 7 poetë kandidatë nga bota për çmimin:

• Joao Luis Barreto Guimaraes, “Movimento” (Edizioni Kolibris) – Portugalia

• Andrea Cote, “La rovina che nomino” (Edizioni Fili d’Aquilone) – Kolumbia

• Edmond Neagoe, “Una visione dell’apocalisse” (Terra d’Ulivi Edizioni) – Rumania

• Martin Rueff, “Icaro grida in un cielo di creta” (Samuele Editore) – Franca

• Zoe Valdés, “Anatomia dello sguardo” (Edizioni Il Foglio) – Kuba

• Sarah Zahid, “Non scordiamoci mai quanto può essere bello vivere” (Edizioni Kolibris) – Norvegjia

• Visar Zhiti, “Strade che scorrono dalle mie mani” (Puntoacapo Editrice) – Shqipëria