Ministri i Mbrojtjes, Niko Peleshi u shpreh sot se trupat shqiptare EOD kanë treguar përkushtim dhe profesionalizëm të lartë në stërvitjen shumëkombëshe ‘Ares Strike’ në Letoni.

Peleshi ndau foto në rrjetet sociale nga kjo stërvitje shumëkombëshe, teksa theksoi se, “stërvitjet e përbashkëta janë instrument i rëndësishëm për të forcuar aftësitë ushtarake dhe për të siguruar një nivel të lartë të gatishmërisë së forcave ushtarake”.

“Pjesëmarrja e Forcave tona të Armatosura në ‘Ares Strike’, tregues i bashkëpunimit dhe solidaritetit mes aleatëve të NATO-s”, nënvizoi Peleshi.