Ambasadori i Shqipërisë në Serbi, Dr. Bardhyl Canaj, zhvilloi një takim me Drejtorin e Bibliotekës Kombëtare të Serbisë, Dr. Vladimir Pistalo.

Pistalo është një nga shkrimtarët më në zë e autor i shumë veprave.

Në gjuhën shqipe është përkthyer libri i tij: “Tesla – Një potret mes maskave”.

Sipas njoftimit të ambasadës, Dr. Pistalo shprehu kënaqësinë të intensifikojë bashkëpunimin me Bibliotekën Kombëtare të Shqipërisë dhe hartimin e agendave të përbashkëta mes tyre për përkthimin e veprave të shkrimtarëve të të dy vendeve në gjuhët përkatëse.

POSTIMI I AMBASADËS SHQIPTARE NE SERBI

Bashkëbisedim tejet i frytshëm me Drejtorin e Bibliotekës Kombëtare të Serbisë, Dr. Vladimir Pistalo, një nga shkrimtarët më në zë e autor i shumë veprave letrare, të përkthyera në shumë vende të botës, si dhe në gjuhën shqipe libri i tij: “Tesla- Një potret mes maskave”.

Dr. Pistalo shprehu kënaqësinë të intensifikojë bashkëpunimin me Bibliotekën Kombëtare të Shqipërisë dhe hartimin e agendave të përbashkëta mes tyre për përkthimin e veprave të shkrimtarëve të të dy vendeve në gjuhët përkatëse.