Zëvendëskryeministrja dhe njëherësh ministre e Infrastrukturës dhe Energjisë, Belinda Balluku, e pranishme në Ministerialin që po e mbahet në kuadër të COP 28, në Emiratet e Bashkuara Arabe, zhvilloi një takim me Jasim Husain Thabet, drejtorin e Përgjithshëm të Kompanisë Kombëtare të Energjisë Abu Dhabi, PJSC (TAQA)

Balluku tha se, gjatë takimit u vu theksi në angazhimin e dy skuadrave për realizimin e projektit madhor për linjën e transmetimit Shqipëri – Itali.

“Forcimi i linjave të transmetimit është pjesë e strategjisë energjetike për Shqipërinë e 2030, për të akomoduar rritjen e kapaciteteve prodhuese dhe kthimin e vendit tonë në një eksportues neto, jo vetëm për rajonin, por edhe më gjerë, për Europën”, deklaroi Balluku.