Ambasadori i Shqipërisë në Serbi, Dr. Bardhyl Canaj, zhvilloi një takim Ambasadorin e SHBA-ve në Serbi, Christopher R. Hill.

“Bashkëbiseduam për raportet dhe marrëdhëniet e shkëlqyera strategjike Shqipëri-SHBA, situatën në Ballkanin Perëndimor dhe perspektivat e tij në integrimin evropian”, thuhet në njoftimin e ambasadës shqiptare në rrjetet sociale.

Christopher R. Hill ka mbuluar 32 vite më parë detyrëne e të Ngarkuarit me Punë të Ambasadës së SHBA-ve në Tiranë (tetor-dhjetor 1991),I Dërguar Special i SHBA në Kosovë (1998-1999) dhe Ambasador në Maqedoni (1996-1999)

POSTIMI I PLOTË

Kënaqësi të takoja mikun e vjetër të Shqipërisë dhe timin personal, Ambasadorin e ShBA-së në Serbi, Christopher R. Hill U.S. Embassy Belgrade

I shpreha ngushëllimet e sinqerta, në emër të përfaqësisë sonë diplomatike, për ndarjen nga jeta të Dr. Henry Kissinger, ish-Sekretar i Shtetit, fitues i Çmimit Nobel të Paqes si dhe një nga asetet më të mëdha botërore të marrëdhënieve ndërkombëtare, diplomacisë aktuale dhe politik-bërjes.

Bashkëbiseduam për raportet dhe marrëdhëniet e shkëlqyera strategjike Shqipëri-SHBA, situatën në Ballkanin Perëndimor dhe perspektivat e tij në integrimin evropian.