I Ngarkuari me Punë i Shteteve të Bashkuara në Tiranë, David Wisner u prit sot në një takim nga kryeministrin Edi Rama.

Ambasada e SHBA-së në Tiranë bëri të ditur se në takim u pohua sërish lidhja e fortë mes Shteteve të Bashkuara dhe Shqipërisë.

“Ata diskutuan partneritetin e ngushtë të vendeve tona në Këshillin e Sigurimit të Kombeve të Bashkuara, veçanërisht për Ukrainën, si dhe rëndësinë e mbështetjes së rinisë shqiptare”, thuhet në njoftimin e ambasadës së SHBA-së.

Wisner falënderoi gjithashtu kryeministrin për mikpritjen e jashtëzakonshme që Shqipëria ka treguar ndaj afganëve.