Ambasada e SHBA-ve në Tiranë përkujtoi sot 14 vjetorin e anëtarësimit të Shqipërisë në NATO.

Ambasada e SHBA-ve në Tiranë vlerësoi kontributin e Shqipërisë si anëtare në NATO.

“Sot bëhen 14 vjet që kur Shqipëria u anëtarësua në NATO më 1 Prill 2009. Shqipëria ka qenë që atëherë një pjesëmarrëse aktive në përpjekjet e mbrojtjes së përbashkët dhe stabilitetin rajonal”, theksoi ambasada e SHBA në një postim në rrjetet sociale.

“Si një anëtare e rëndësishme e NATO-s, Shqipëria ka treguar përkushtimin e saj për të çuar përpara paqen dhe sigurinë dhe ka luajtur një rol jetik në mbështetjen e misioneve dhe operacioneve të drejtuara nga NATO”, vijoi ambasada.

“Si një aleat dhe partner krenar, Shtetet e Bashkuara vlerësojnë partneritetin tonë të fortë me Shqipërinë dhe presim me kënaqësi të vazhdojmë të punojmë së bashku drejt synimeve tona të përbashkëta për një të ardhme më të sigurt dhe më të begatë”, nënvizoi ambasada e SHBA-së në Tiranë.