Forcat Ajrore kanë transportuar me sukses sot me dy helikopterët AB 206 dhe EC 135 4 alpinistët serb të cilët gjatë kalimit nga Valbona në Theth janë lënduar.

Lajmi bëhet i ditur nga ministri i Mbrojtjes, Niko Peleshi i cili thekson se të lënduarit janë jashtë rrezikut për jetën.

Ndërhyrja e Forcës Ajrore, me dy helikopterët ka qenë e menjëhershme duke nxjerrë jashtë rrezikut turistët serb.

POSTIMI I MINISTRIT PELESHI

Efektivët e Forcës Ajrore, me dy helikopterët AB 206 dhe EC 135 kanë transportuar me sukses 4 alpinistët serbë të cilët gjatë kalimit nga Valbona në Theth kanë rrëshqitur duke pësuar lëndime në trup. Një prej të plagosurve është transportuar drejt SQUT dhe ndodhet nën kujdesin e mjekëve, ndërsa 3 të tjerët fatmirësisht pa lëndime .

Në operacionin e kërkim-shpëtimit u angazhuan 50 forca policore nga Komisariati i Policisë Tropojë, Njësia Alpine e Reneas, forcat ajrore të Ministrisë së Mbrojtjes dhe një ekip mjekësor i Ministrisë së Shëndetësisë.