Vijojnë në ditën e pestë operacionet e kërkim-shpëtimit në Turqi dhe Siri pas tërmeteve shkatërrimtare që goditën dy vendet në fillim të kësaj jave.

Numri i viktimave, sipas raportimit të autoriteteve vendase, ka shkuar në 23.726 në të dy vendet.

Ministri i Shëndetësisë në Turqi, Fahrettin Koca raportoi për 20.213 të vdekur dhe 80.052 të plagosur që po marrin ndihmë mjekësore.

Siria numëron 3.384 viktima, 2.166 prej të cilëve janë raportuar në zonat veriore të pushtuara nga rebelët.

Numri i të plagosurve në Siri ka shkuar në 5.245, të cilët po marrin ndihmë mjekësore nga autoritetet.