Ambasada Amerikane në Tiranë reagon për raportin e ri të OKB mbi klimën, të publikuar pak javë më parë, duke theksuar se kriza klimatike e shkaktuar nga njeriu po përshpejton.

Në një mesazh në ‘Facebook’, ambasada e SHBA shkruan se gjetja më urgjente e raportit të OKB është se klima jonë ndryshon me shpejtësi, për shkak të ndikimit njerëzor që nga viti 1850

“Kriza klimatike e shkaktuar nga njeriu po përshpejton, pavarësisht nëse bota është gati apo jo, sipas një raporti të ri të OKB-së. Gjetja më urgjente: Klima jonë po ndryshon me shpejtësi për shkak të ndikimit njerëzor që nga viti 1850. Ky ndikim njerëzor tashmë ka filluar të ndryshojë planetin tonë në mënyra drastike, të pakthyeshme që do të vazhdojnë të përkeqësohen nëse nuk zvogëlojmë sa më parë emetimin global të dioksidit të karbonit dhe gazrave të tjera serë”, thuhet në mesazhin e ambasadës amerikane.