Rusia nuk po përgatitet për asnjë lloj konflikti ushtarak me Evropën, deklaroi sot presidenti rus Vladimir Putin, gjatë një konference për shtyp në kuadër të Forumit Ndërkombëtar të Kulturës në Shën Peterburg.

Presidenti Putin iu referua deklaratave të disa vendeve evropiane, të cilat, sipas tij, shprehin shqetësimin për një agresion të mundshëm nga Federata Ruse dhe për këtë arsye po përgatiten për një përballje ushtarake ose luftë me Rusinë.

“Shumë njerëz në Evropë thonë se presin një agresion nga Federata Ruse dhe se për këtë arsye duhet të përgatiten vetë për luftime, për një luftë me Rusinë”, deklaroi presidenti rus.

“Por dua të nënvizoj edhe një herë se ne nuk po përgatitemi për asnjë lloj përballjeje me Evropën”, theksoi m

Deklaratat e presidentit rus vijnë në një periudhë tensionesh të vazhdueshme mes Moskës dhe vendeve evropiane, në kontekstin e luftës në Ukrainë dhe shqetësimeve për sigurinë në kontinent.

Burimi ATSH