Në Shqipëri janë regjistruar 11 567 biznese të reja gjatë gjashtëmujorit të parë të vitit 2026, ose 806 më shumë krahasuar me të njëjtën periudhë të vitit të kaluar.

Ministrja e Ekonomisë dhe Inovacionit, Delina Ibrahimaj, bëri të ditur sot se kjo përfaqëson një rritje prej 7.5%, duke e cilësuar si një tregues të interesit në rritje për zhvillimin e aktivitetit ekonomik në Shqipëri.

“Sipërmarrja në Shqipëri vijon të rritet! Në gjashtëmujorin e parë të vitit 2026 janë regjistruar 11,567 biznese të reja, ose 806 më shumë se në të njëjtën periudhë të vitit të kaluar”, u shpreh ministrja.

Kjo, sipas saj, përfaqëson një rritje prej 7.5%, duke reflektuar një interes në rritje për zhvillimin e aktivitetit ekonomik në Shqipëri.

“Pas çdo biznesi të ri qëndron një ide, një iniciativë dhe një hap drejt zhvillimit ekonomik të vendit”, u shpreh ministrja.

Sipas Ibrahimajt, Qendra Kombëtare e Biznesit (QKB) mbetet partneri i çdo sipërmarrësi, duke ofruar shërbime të thjeshta, të shpejta dhe të aksesueshme për nisjen e një biznesi.

Burimi ATSH