Sipas projeksioneve të Fondit Monetar Ndërkombëtar (FMN), ekonomia europiane pritet të përjetojë një periudhë me ritme të moderuara rritjeje gjatë viteve të mbetura të kësaj dekade.

Për periudhën 2027–2031, ekonomia e eurozonës parashikohet të zgjerohet mesatarisht me 1.2% në vit, ndërsa ajo e Bashkimit Europian me rreth 1.4%, dukshëm nën ritmin mesatar global prej 3.2%.

Megjithatë, disa ekonomi më të vogla në kontinent pritet të dallohen për performancë më dinamike.

Malta kryeson listën me një rritje mesatare vjetore prej 3.96%, e ndjekur shumë afër nga Kosova me 3.95%. Në vendin e tretë renditet Ukraina, me një normë të pritshme prej 3.78%, e mbështetur kryesisht nga investimet që lidhen me rindërtimin e vendit pas luftës.

Edhe Serbia pritet të regjistrojë rritje të qëndrueshme, rreth 3.52% në vit, e nxitur nga projektet e mëdha publike dhe përgatitjet për organizimin e Expo 2027. Ndërkohë, Moldavia parashikohet të arrijë një rritje mesatare prej 3.5%, falë vazhdimit të reformave ekonomike dhe mbështetjes financiare nga Bashkimi Europian.

Në këtë grup ekonomish me ritme të larta zhvillimi përfshihet edhe Shqipëria. Sipas FMN-së, ekonomia shqiptare pritet të rritet mesatarisht me 3.19% në vit gjatë periudhës 2027–2031. Performanca ekonomike e Shqipërisë mbetet dukshëm mbi mesataren e parashikuar për eurozonën dhe Bashkimin Europian.

Sipas Perspektivës Ekonomike më të fundit të Fondit Monetar Ndërkombëtar, ekonomitë më të mëdha të Europës pritet të përballen me ritme më të ngadalta zhvillimi.

https://www.euronews.com/business/2026/07/07/the-five-european-economies-set-to-grow-more-than-twice-as-fast-as-the-eurozone

FMN vlerëson se faktorë si plakja e popullsisë, niveli i lartë i borxhit publik, produktiviteti i kufizuar, kostot e larta të energjisë dhe pasiguritë gjeopolitike do të vazhdojnë të ushtrojnë presion mbi rritjen ekonomike gjatë viteve në vijim.

Burimi ATSH