Kumbaro: Ligji i ri për arsimin e lartë, ndërkombëtarizimi ndër kapitujt kryesorë

Ministrja e Arsimit, Mirela Kumbaro mori pjesë sot në prezantimin e projekteve finale të Konkursit Ndërkombëtar të Kampusit Universitar “Aleksandër Moisiu”, i cili synon të krijojë një hapësirë bashkëkohore ku ndërthuren arsimi, kërkimi shkencor, inovacioni, sipërmarrja, etj.


Ministrja e Arsimit, Mirela Kumbaro mori pjesë sot në prezantimin e projekteve finale të Konkursit Ndërkombëtar të Kampusit Universitar “Aleksandër Moisiu”, i cili synon të krijojë një hapësirë bashkëkohore ku ndërthuren arsimi, kërkimi shkencor, inovacioni, sipërmarrja, etj.

Gjatë fjalës së saj, Kumbaro tha se “projektet e kampuseve, i paraprijnë horizonteve kohore. Universiteti “Aleksandër Moisiu” festoi pak muaj më parë një etapë të rëndësishme të rrugëtimit të tij: 20 vite jetë akademike. Dy dekada në historinë e një universiteti mund të duken pak, por janë të mjaftueshme për të hedhur bazat e një tradite, për të ndërtuar identitet dhe për të fituar besimin e mijëra studentëve që kanë kaluar në auditoret e tij”.

“Sot ky universitet përfaqëson një komunitet të gjerë akademik me pesë fakultete, mijëra studentë e qindra pedagogë, por mbi të gjitha, ai përfaqëson një ambicie shumë të madhe: atë për të qenë një universitet modern, i hapur, ndërkombëtar dhe konkurrues në hapësirën europiane të arsimit të lartë. Tamam si Durrësi, porta tradicionale e pikëtakimit të Shqipërisë me Perëndimin, ashtu edhe Universiteti ‘Aleksandër Moisiu’, në traditën e mirë të qytetit, gjeti rrugën e tij të ndërkombëtarizimit”, theksoi Kumbaro.

Sipas saj, edhe në rishikimin që po i bëjmë ligjit të arsimit të lartë, ndërkombëtarizimi zë një kapitull të veçantë, ndër më kryesorët, pasi është vizioni ynë për Shqipërinë përtej vitit 2030.

Pikërisht për këtë arsye, shtoi ministrjam kampusi i ri nuk mund të shihet vetëm si një investim në infrastrukturë.

“Kur flasim për kampusin e ri, në thelb po flasim për krijimin e një ekosistemi. Një ekosistem ku arsimi, kërkimi shkencor, inovacioni, sipërmarrja, kultura dhe jeta studentore nuk funksionojnë si ishuj të ndarë, por si pjesë të së njëjtës. Universitetet më të mira të botës nuk dallohen vetëm për programet e tyre akademike, por edhe për identitetin e mjediseve të tyre, në të cilat shpesh prodhohen ide, inovacion dhe lidership. Dhe universitetet kanë një veçori të rrallë: ato janë institucione që mendojnë në horizonte kohore më të gjata se shumica e institucioneve të tjera, u japin jetë e identitet peizazheve dhe zhvillim komuniteteve”, nënvizoi Kumbaro.

Ministrja Kumbaro u shpreh se “kur projektojmë një kampus, nuk projektojmë vetëm nevojat e sotme. Ne projektojmë mënyrën se si do të mësohet, do të kërkohet, do të jetohet dhe do të bashkëpunohet pas njëzet apo tridhjetë vitesh”.

Më tej, gjatë fjalës së saj, ajo tha se “jam shumë e lumtur, që paralelisht me këtë ngjarje, UAMD ndodhet në një fazë të re zhvillimi me buxhetin më të lartë historik për arsimin në 2026, me investime konkrete si ai i Fakultetit të Studimeve Profesionale, me projektimin e kampusit të ri universitar përmes një konkursi ndërkombëtar dhe me një strategji të qartë profilizimi përmes ndërkombëtarizimit”.

Pesë ekipe finaliste do të prezantojnë sot projektet për masterplanin e këtij kampusi para një jurie ndërkombëtare. Konkursi shërben gjithashtu si një terren eksperimentimi për forma të reja të organizimit të konkurseve ndërkombëtare të projektimit.

Burimi ATSH

Lexo më shumë nga

AdvanceGov 2026 në SHBA, AKSHI paraqet përvojën në transformimin digjital dhe përdorimin e IA-së

Zëvendësdrejtoresha e Përgjithshme e Agjencisë Kombëtare të Shoqërisë së Informacionit, Romina Kostani mori pjesë si folëse në AdvanceGov 2026, organizuar…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Kinë-Shqipëri, forum për bashkëpunim mediatik

Forumi u organizua nga Ambasada e Republikës Popullore të Kinës në Shqipëri dhe Agjencia e Lajmeve Xinhua, me Argumentum.al si…