Ministri i Turizmit, Kulturës dhe Sportit, Blendi Gonxhja, mirëpriti në MTKS disa nga emrat më të njohur ndërkombëtarë të artit të kokteileve, në kuadër të Tirana Cocktail Fest.

Në një postim në rrjetet sociale, Gonxhja u shpreh se Tirana po shndërrohet gjithnjë e më shumë në një pikë takimi për kreativitetin, kulturën sociale të bareve dhe mikpritjen shqiptare, duke mirëpritur profesionistë të industrisë nga Mbretëria e Bashkuar, Norvegjia, Italia, Suedia, Turqia, Greqia, Franca dhe vende të tjera të botës.

“Ishte kënaqësi të dëgjoja përshtypjet e tyre për Shqipërinë, dashurinë për energjinë dhe pulsin e kryeqytetit tonë, si dhe eksperiencat autentike që vendi ynë ofron”, theksoi ai.

Sipas Gonxhes, eventi merr një vlerë të veçantë edhe falë suksesit të Nouvelle Vague, cocktail bar-it shqiptar i renditur i 28-ti në botë, një shembull frymëzues se si talenti dhe standardet ndërkombëtare po e vendosin Shqipërinë në hartën globale të mikpritjes dhe gastronomisë.

Burimi ATSH