Ministrja e Arsimit, Mirela Kumbaro tha sot se siguria e fëmijëve dhe e institucioneve arsimore janë të garantuara 100%.

Lidhur me sigurinë e fëmijëve në shkolla, në një deklaratë për mediet pas mbledhjes së qeverisë, Kumbaro tha se “patrullat e Policisë janë aty çdo ditë, në mëngjes dhe në drekë për të garantuar të gjithë perimetrin rreth e rrotull shkollës”.

“Jemi në komunikim të përditshëm me Ministrinë e Punëve të Brendshme dhe Policinë. Po rrisim numrin e oficerëve të sigurisë, numri i të cilëve për numër nxënësish është shtuar nga shtatori 2025. Ka persona kontakti në komunikim të rregullt me Policinë për çdo sinjalizim”, tha Kumbaro.

Sipas saj, rastet e sinjalizuara menaxhohen në kohë reale duke garantuar sigurinë maksimale të fëmijëve.

Burimi ATSH