Në mesditën e së enjtes sipas orës lokale, Peng Liyuan, bashkëshortja e presidentit kinez Xi Jinping, vizitoi Muzeun Kombëtar të Artit Aziatik në Uashington, së bashku me bashkëshorten e presidentit amerikan Donald Trump, Melania Trump.

Foto nga Xinhua

Të dy zonjat e para vizituan disa nga sallat e muzeut, përfshirë Sallën e Palloit. Peng Liyuan vlerësoi kthimin e objekteve të trashëgimisë kulturore kineze nga pala amerikane gjatë viteve të fundit dhe shprehu shpresën që Kina dhe Shtetet e Bashkuara do të vazhdojnë të forcojnë shkëmbimet kulturore dhe bashkëpunimin për mbrojtjen e trashëgimisë kulturore, duke nxitur miqësinë mes dy popujve.

Foto nga Xinhua

Pas vizitës, Peng Liyuan dhe Melania Trump ndoqën së bashku interpretimin e këngëve kineze nga një kor të rinjsh amerikanë dhe biseduan me ta. Peng i inkurajoi të rinjtë të vazhdojnë të mësojnë gjuhën e kulturën kineze dhe të bëhen ura të miqësisë mes Kinës dhe Shteteve të Bashkuara.

Foto nga Xinhua

Muzeu Kombëtar i Artit Aziatik është një institucion i njohur në Shtetet e Bashkuara për koleksionimin, studimin dhe ekspozimin e artit aziatik.

Për të parë videon e plotë klikoni këtë link të CGTN