Ministri i Punëve të Brendshme, Ervin Demo kreu sot betimin para Presidentit Bajram Begaj, në një ceremoni të zhvilluar në mjediset e Pallatit të Brigadave.

Demo e konsideroi këtë një moment përgjegjësie dhe angazhimi për të punuar çdo ditë në shërbim të qytetarëve.

“Për më shumë siguri, institucione më të forta dhe një shtet më pranë njerëzve”, u shpreh ai.

Demo u emërua në krye të Ministrisë së Brendshme në 11 shtator, duke zëvendësuar në këtë detyrë Besfort Lamallarin. Në 17 shtator ai u dekretua në këtë detyrë nga Presidenti Bajram Begaj.