Nga Monika Stafa

Mirësia është drita që e bën jetën më të bukur dhe botën më njerëzore. Ajo lind në zemër, por rritet dhe forcohet edhe përmes dashurisë për leximin. Çdo libër që marrim në dorë na fton të udhëtojmë në botë të panjohura, të takojmë njerëz me fate të ndryshme dhe të kuptojmë se secili mbart gëzime, dhimbje dhe ëndrra.

Duke lexuar, mësojmë të mos paragjykojmë, por të dëgjojmë, të kuptojmë dhe të falim.

Librat na mësojnë se mirësia nuk matet me gjeste të mëdha, por me veprime të vogla të bëra me zemër: një fjalë e ngrohtë, një buzëqeshje e sinqertë, një dorë e shtrirë për dikë që ka nevojë.

Personazhet që njohim në faqet e librave na frymëzojnë të jemi më të ndershëm, më të drejtë dhe më të dhembshur. Ata na kujtojnë se forca e vërtetë e njeriut qëndron te zemra e tij.

Sa më shumë lexojmë, aq më shumë pasurojmë jo vetëm mendjen, por edhe shpirtin. Leximi na mëson të ëndërrojmë, të besojmë dhe të shohim tek çdo njeri diçka të mirë. Një shoqëri që lexon është një shoqëri që di të respektojë, të bashkëpunojë dhe të ndërtojë ura mirëkuptimi.

Prandaj, dashuria për leximin është një nga dhuratat më të bukura që mund t’i bëjmë vetes. Ajo na ndihmon të bëhemi njerëz më të mirë dhe të lëmë pas, në çdo hap të jetës sonë, gjurmë mirësie.