Ministri i Financave, Petrit Malaj zhvilloi një takim me shqiptarë që jetojnë dhe punojnë në Washington DC.

Malaj tha se gjatë bashkëbisedimit të hapur me profesionistë shqiptarë të angazhuar në institucione financiare ndërkombëtare si Banka Botërore, FMN, IFC etj. u fol për rolin gjithnjë e më të rëndësishëm të diasporës në zhvillimin ekonomik të Shqipërisë.

“Sot, diaspora është shumë më tepër sesa një burim remitancash. Ajo është një partner strategjik, me dije, përvojë, rrjete dhe potencial real për të kontribuar në ekonominë dhe të ardhmen e vendit”, tha Malaj.

Ministri Malaj pohoi se gjatë këtij takimi ndau me të pranishmit hapat e ndërmarrë për integrimin e Shqipërisë në BE, për të krijuar një klimë më të favorshme për investime, përmes lehtësive fiskale, mbështetjes ligjore dhe politikave që nxisin sipërmarrjen.

“Mirënjohje për çdo shqiptar që përfaqëson me dinjitet vendin tonë kudo në botë”, tha Malaj.

Burimi ATSH