
Gonzato takon Baba Mondin: Forcimi i tolerancës dhe solidaritetit, kontribut në rrugën drejt BE-së
Ambasadori i Bashkimit Evropian në Shqipëri, Silvio Gonzato zhvilloi një takim me Kryegjyshin Botëror Bektashian, Haxhi Dede Edmond Brahimaj.

Ambasadori i Bashkimit Evropian në Shqipëri, Silvio Gonzato zhvilloi një takim me Kryegjyshin Botëror Bektashian, Haxhi Dede Edmond Brahimaj.
Gonzato vlerësoi se Shqipëria shquhet për bashkëjetesën paqësore ndërmjet besimeve fetare, një vlerë thelbësore edhe për Bashkimin Evropian.
Në takim u diskutua mbi forcimin më tej të tolerancës, solidaritetit, mbrojtjes së të drejtave të njeriut dhe mosdiskriminimit.
“Diskutova me Haxhi Dede Baba Edmond Brahimaj, në cilësinë e tij si Kreu i Urdhrit Bektashi dhe Kryetar i Këshillit Ndërfetar të Shqipërisë, për mënyrat se si mund të bashkëpunojmë për të forcuar tolerancën, solidaritetin, mbrojtjen e të drejtave të njeriut dhe mosdiskriminimin, duke kontribuar njëkohësisht në rrugën e Shqipërisë drejt anëtarësimit në Bashkimin Evropian,” tha Gonzato.
Burimi ATSH



















